البدر بن غالي
03-28-08, 03:01 PM 15:01
هذه قصيده للشاعر / غازي حباب
انا ليا كثرت هجوسي عليه = ذكرت من قلبي يحبه ويغليه
أغليه واثره والمٍ للخطيه = وأحترت مابين الغلاء والمشاريه
لا تلحق الكيات كيه وكيه = قلبي من الأيام يكفيه مافيه
والله ثم والله رب البريه = إني أدور مايسرك واسويه
واغليك واعزك معزه قويه = واللي تسبب دوم بالطيب اجازيه
اشره على الطيب ويشره عليه = والا الردي ماله عليه مشاريه
قد قالها ركان زبن الونيه = وانا ابعيد القول مثله واثنيه
حيث الردي ماله عليه انحيه = يومٍ يجينا فيه جعله يوديه
ومن عادتي اجزاء الخطاء بالخطيه = وأوقف العايل على الحد واخسيه
ومادام جات من اقرب الناس ليه = باصبر وهمي والي العرش يجليه
ولابد من يومٍ تبين الخفيه = واللي طبخها جعل ربي يجازيه
وأنا مثل من شال مزهب خويه = ماكادني مير الحنش رابض فيه
انا ليا كثرت هجوسي عليه = ذكرت من قلبي يحبه ويغليه
أغليه واثره والمٍ للخطيه = وأحترت مابين الغلاء والمشاريه
لا تلحق الكيات كيه وكيه = قلبي من الأيام يكفيه مافيه
والله ثم والله رب البريه = إني أدور مايسرك واسويه
واغليك واعزك معزه قويه = واللي تسبب دوم بالطيب اجازيه
اشره على الطيب ويشره عليه = والا الردي ماله عليه مشاريه
قد قالها ركان زبن الونيه = وانا ابعيد القول مثله واثنيه
حيث الردي ماله عليه انحيه = يومٍ يجينا فيه جعله يوديه
ومن عادتي اجزاء الخطاء بالخطيه = وأوقف العايل على الحد واخسيه
ومادام جات من اقرب الناس ليه = باصبر وهمي والي العرش يجليه
ولابد من يومٍ تبين الخفيه = واللي طبخها جعل ربي يجازيه
وأنا مثل من شال مزهب خويه = ماكادني مير الحنش رابض فيه