قصيدة محمد بن هادي في وفاة تركي بن حميد

[الــــحــــر]

قصيدة محمد بن هادي في وفات تركي بن حميد


يالله ياللي نطلبه دايم الدوم
يامخلف النيه ينقض العزايم

الكبد ماتقبل من الزاد مطعوم
من شافني كني عن الزاد صايم

البارحة عيني قزت عن كرى النوم
يوم الثريا قابلت للنعايم

تخالفت بالقلب قلات واهموم
يوم الشكاله ماتهم البهايم

بالليل اهوجس لي ابقالات وعزوم
للروح خلاق وللعمر سايم

ذولا نصالحهم وناس لنا قوم
واكوان يشبع غبها كل حايم

لما سكنا نجد من غير معلوم
بصولات تلقا به صفا الجو عايم

يانجد والله مانزلناك بسلوم
ولا انت بورث جدودنا والقدايم

يانجد خذنا فيك حق ومرسوم
وصفا جنابك عقب نطل العمايم

خذناك عقب امدارك العمر والسوم
سوم يخسر لابسات اللثايم

كم خايع بين الحفيفين ماسوم
كل يبيه واصلين الكضايم

عاداتنا نرعا الخطر دايم الدوم
يرعى دبشنا فيه والحظ قايم

نرعى بربع كنهم دولة الروم
مركاضهم بالضيق يجلا اللوايم

لاصاح صياح الضحى جن حثلوم
الخيل بالفرسان عجل همايم

يازين سجتنا على الفطر الكوم
يوم بلاش ويوم جبنا الغنايم

نو الخيال مسرح من ضحا اليوم
امطر وسيله دم روس العدايم

منقووووول

[المستشار]

الحـــر

أشكرك على الإيراد

ولكن هناك خطاْ في العنوان وقائل القصيدة

القصيدة للفارس الشيخ ضيف الله بن تركي بن حميد

والملقب بـ (( العفـار )) قالها عندما نزلت عتيـبة نجـد

وأستقرت بها .. وأصبحت ملكاً لعتيبـة .. فقال قصيدته المشهوره هذه .. مفتخراً

أشكرك .. وأنا هنا أردت الإيضاح فقط ..

تحياتـي ,,,

[الــــحــــر]

الله يعافيك ياخوي يافيحان على الايضاح
ماقصرت والله وانا شاكر ومقدر لك هذا

أشكرك على المرور الطيب وتقبل تحياتي

[هيبة ملك]

الله يعطيك العافيه
اخووووي
وماقصرت


تقبل مروري اخوك وضاااح

[الــــحــــر]

الله يعافيك يالغالي يامرحبا فيك والله بين اخوانك وخواتك وربعك
اشكرك على مرورك الراقي ولك كل التقدير والاحترام