البدر بن غالي
03-23-08, 01:01 PM 13:01
( رساله من بدوي )
هذه القصيدة للشاعر سمو الأمير / بدر بن عبدالمحسن آل سعود
يابنت أنا للشمس في جلدي أحروق = وعلى سموم القيظ أنا أطوي عباتي
أطرد سراب اللال في مرتع النوق = ومن الظما يجرح لساني لهاتي
عاري جسد والليل هتان وبروق = رعشة شمال البرد تسكن اشفاتي
لا جاء الربيع انبت خزاما ورقروق = وكانه دهر تيبس فيافي حياتي
إن عذربوني بعض خلانك أصدوق = يابنت أنا عشق الخلاء من صفاتي
انا بدوي ثوبي على المتن مشقوق = ومثل الجبال السمر صبري ثباتي
ومثل النخيل اخلقت انا هامتي فوق = ماعتدت انا أرخي هامتي الا في صلاتي
إليا افتخر بفعال يمناه مخلوق = يابنت انا فعلي أشهوده اعداتي
الله جعلني وكلمة الحق بوفوق = وملكت الأرض وراس مالي عصاتي
( يابدر مسبوق )
وهذه القصيده للشاعر / شباب عبيد الصوينع رحمه الله مجارات قصيدة
الشاعر / سمو الأمير بدر بن عبدالمحسن
ويــــــــــــــقــــــــــــــــول فــــــــــيـــــــــــهـــــــا
إعجبت بابياتٍ جذبني لها الشوق = وأحضرت فكري والقلم والدواتي
يامخاطب العذرا ترى عندها ذوق = وهي شاهدك ماهوب قول الرواتي
قبلك وهي تفطر على سم مسحوق = عليلهٍ بين الحياه ومماتي
لولاك مزيق لبسها كل مطفوق = وكل مزع له من لحمها شواتي
رجليك تاطا بين حيه وزاروق = قلبك قوي بين الأفاعي تباتي
البنت هاذي مالها غير معشوق = اللي حماها من رماح الزناتي
عشيقها ماهو من الهند مسروق = من صلبها ومن الحفاة العراتي
الماس والياقوت حطه لها طوق = في جيدها اللي مثل جيد المهاتي
ويوم إنها خافت من الغدر والبوق = طاحت على صدرك وصنت الفتاتي
تزايدوا فيها الطماميع فالسوق = وشريتها غصبٍ على كل عاتي
دوحاً سبح منها براعيم واعروق = ظل الطروش وفي ذراها مشاتي
منتب على هالوصف يابدر مسبوق = صبت الهدف وأخطاء سلاح الرماتي
عسى إن تحوز على رضاكم
هذه القصيدة للشاعر سمو الأمير / بدر بن عبدالمحسن آل سعود
يابنت أنا للشمس في جلدي أحروق = وعلى سموم القيظ أنا أطوي عباتي
أطرد سراب اللال في مرتع النوق = ومن الظما يجرح لساني لهاتي
عاري جسد والليل هتان وبروق = رعشة شمال البرد تسكن اشفاتي
لا جاء الربيع انبت خزاما ورقروق = وكانه دهر تيبس فيافي حياتي
إن عذربوني بعض خلانك أصدوق = يابنت أنا عشق الخلاء من صفاتي
انا بدوي ثوبي على المتن مشقوق = ومثل الجبال السمر صبري ثباتي
ومثل النخيل اخلقت انا هامتي فوق = ماعتدت انا أرخي هامتي الا في صلاتي
إليا افتخر بفعال يمناه مخلوق = يابنت انا فعلي أشهوده اعداتي
الله جعلني وكلمة الحق بوفوق = وملكت الأرض وراس مالي عصاتي
( يابدر مسبوق )
وهذه القصيده للشاعر / شباب عبيد الصوينع رحمه الله مجارات قصيدة
الشاعر / سمو الأمير بدر بن عبدالمحسن
ويــــــــــــــقــــــــــــــــول فــــــــــيـــــــــــهـــــــا
إعجبت بابياتٍ جذبني لها الشوق = وأحضرت فكري والقلم والدواتي
يامخاطب العذرا ترى عندها ذوق = وهي شاهدك ماهوب قول الرواتي
قبلك وهي تفطر على سم مسحوق = عليلهٍ بين الحياه ومماتي
لولاك مزيق لبسها كل مطفوق = وكل مزع له من لحمها شواتي
رجليك تاطا بين حيه وزاروق = قلبك قوي بين الأفاعي تباتي
البنت هاذي مالها غير معشوق = اللي حماها من رماح الزناتي
عشيقها ماهو من الهند مسروق = من صلبها ومن الحفاة العراتي
الماس والياقوت حطه لها طوق = في جيدها اللي مثل جيد المهاتي
ويوم إنها خافت من الغدر والبوق = طاحت على صدرك وصنت الفتاتي
تزايدوا فيها الطماميع فالسوق = وشريتها غصبٍ على كل عاتي
دوحاً سبح منها براعيم واعروق = ظل الطروش وفي ذراها مشاتي
منتب على هالوصف يابدر مسبوق = صبت الهدف وأخطاء سلاح الرماتي
عسى إن تحوز على رضاكم