أبو جود
09-16-09, 06:29 AM 06:29
السلام عليكم ورحمة الله وبركاته
سالفة مفضي بن ولمان الاحمدي ارويها لكم بالعاميه بعد ان شب مفضي بن ولمان واشتد عوده وصار رجل يعتمد عليه
حصلت هوشه بين مفضي واحد ابناء عمومته وكان شاب في سن مفضي وتغلب عليه مفضي فطلعت ام الشاب اللي تغلب عليه مفضي وقالت جودك علي ولد عمك والا ابوك عند شمر ما اخذت بثاره المهم مفضي اول مره يسمع مثل هالكلام ويدري ان ابوه مات مقتول حيث ان امه كانت تقوله ابوك ذبح بغزوه ومعروف الغزوات والوقعات مافيه اخذ ثار ولكن اللي يذبح بغير غزيه او وقعه لابد له انه يوخذفيه الثار المهم رجع مفضي لامه وقال الا تعلميني منه ذباح ابوي اخذت امه تحاول تقنعه ان ابوه مات في غزوه المهم اخذ واعطى معها اخر شي قال ان ماعلمتيني بالصحيح ابذبح روحي قالت لا ابوك عند فلان من شمر .المهم تجهز الرجال ويمشي من الحناكيه ويلفي علي الشيخ والفارس المعروف المسمى بمعشي الذيب ابن سعيد شيخ العليان من شمر ويوم الفا عليه ويسمي روحه رويعي وبعد مانقضت ايام الضيافه ثلاث ايام قال للشيخ ابن سعيد انا اترزق الله وادور الشغل قال وش تعرف تشتغل قال اعرف اصلح القهوة وهو قصده يبي يصير قريب من السوالف علشان يعرف ذباح ابوه المهم اخذله وقت قهوجي عند ابن سعيد وكانت لابن سعيد ثلاث اذواد .ذود معها ولد اخوه . وذود معها رثعه بنت ابن سعيد .وذود معها صبي. يوم من الايام اوفا الصبي وراح قال ابن سعيد وش رايك يارويعي نبيك تصير مع البل اللي اوفا راعيها لين نلقا لها راعي قال ماعندي مانع المهم صار مع البل ويصيرون يروعون البل الثلاثه ولد اخو بن سعيد وبنته ورويعي اللي هو مفضي وياخذون وقت ويوم جايوم من الايام وتجيهم غزيه من قبيلة العطوات وياخذون البل ابل العليان ومن ضمنها اذواد ابن سعيد وكان مع ولد اخو ابن سعيد حصان ورمح قال رويعي انت علامك ماهشت دون البل قال انت خبل هذي غزيه كامله وانا رجال براسي ماني نطيح لهم ارسلنا الفزع ويبي يجون العليان يردونها قال رويعي انا ابيك تعطيني الحصان والرمح قال خذهذا الحصان والرمح ولاتضربهم الا مع روسهم يتهزا فيه وياخذ الحصان والرمح قال للبنت اركبي ويردفها معه علي الحصان قالها ابنزلك قدام البل وانطحي البل ورديها يوم ركب قعد يتعزوى خيال افلانه احمدي ويكرر عزوته المهم نزلها قدام البل ويطب وسطهم ويطلع مقابل ويوم طلع واليا ثنتين من خيلهم يسحبن اعنتهن ويكر عليهم مره ثانيه ويوم طلع واليا اربع يسحبن اعنتهن يعني ذبح من العطوات سته ويوم شافو العطوات فعله ويتشارون وينفقون انهم يتركونها ويطلعون ويخلون البل طبعا البنت درت وعرفت انه ما اسمه رويعي لانه سمعته يوم اعتزاء وعرفت انه فارس ورجل شجاع وانه له قصد يوم سما روحه رويعي وصار قهوجي المهم يوم رجعت البل وقبل مايجون الفزوع من العليان وهو يرجع الحصان والرمح لولد ابن سعيد قال للبنت والولد ابيكم تقولون ان اللي رد البل فلان ولد ابن سعيد ماهوانا يارويعي قالو ابشر ويوم جوهم الطلب ويقعدون يتباشرون برجوع البل قالو من اللي رد البل قالو الثلاثه كلهم ردها الفارس ولد ابن سعيد واليا ولد ابن سعيد صغير سن ولاطلع له فعل من قبل هالوقعه وتصير فرحت العليان فرحتين فرحه برجوع وفرحه بفارس جديدطلع له فعل المهم يوم جا اليل والعليان يقعدون يتوافدون علي بيت الامير يهنونه بسلامة البل ويباركون له بفعل ولد اخوه رويعي كالعاده راح شب النار وقعد يصلح القهوه للامير والضيوف قامت بنت ابن سعيد توايقت من وراء القاطع قالت يبه طلبتك قال ابشري لكن وشو طلبك قالت اللي يبي يعطي ماينشد طالبه قال جاك طلبك قالت ابا اصب القهوه عن رويعي ابوها درا ان السالفه فيها شي قال تعالي ماعندك الا عزوتك وعيال عمك وتجي وتاخذالدله من رويعي وتصب لاابوها طبعا رويعي جالس عند الدلال وتصب الفنجال الثاني لرويعي قالت يايبه اللي رد اليل ماهو راع الحصان اللي رد البل الرجال هذا ولااسمه رويعي تراه مغير اسمه سمعته يوم يعتزي ويقول خيال فلانه احمدي والاكيد انه رجال عزيز وفارس
يوم صبت له الفنجال قالت
تستاهل الفنجال ومواسد الراس=ان كـان ماتبخـل بروحـك عليـه
يامعرب الجدان ياطيـب السـاس=يامعـتـزي بالـعـزوه الاحـمـديـه
رد عليها مفضي بن ولمان
يـامـورد الخـديـن يـادقـاق اللالـعـاس=فكيـتـهـا مـــن شـــان حـقــك عـلـيـه
روحك علي راضه وروحي علي ياس=طــلاب ثـــار مـــن الـوجـيـه النـقـيـه
قال ابن سعيد تعال يا احمدي علمني وش قصتك قال قصتي ابوي ولمان مقتول غدر عند ابن فلان من شمر وابي قضاه قال انت فعلك غانم وتستاهل الطيب لكن هذي اربعين و ضحا المدى المعروف بين القبايل نعطيك اياه اديه لاابوك وفوقه قبلنا زواجك من رثعه وبعد اخذ وعطى بينه وبين بن سعيد قبل الديه وتزوج رثعه بنت ابن سعيد ويحط له بيت ويصير جارا لسعيد شيوخ العليان وياخذله وقت مع السعيد ويجيب من رثعه حمود ومزينه جدة الامير عبدالله بن ثواب الجليدي رئيس مركز النمريه
بيوم من الايام نقل له ابنه حمود كلمه حست بخاطره
قال
ياحمود عـن ديـرة خوالـك جلينـا=شف دلوهم من يمنا تصفق الجال
لاصــار ماقـربـك يحـشـم علـيـنـا=شــوري اتـقـرب الـزمـل نشـتـال
ويشد من عند العليان وينزل علي الفرده من حرب ومعهم الشيخ ثواب الجليدي
ويزوجه بنته مزينه ويجيب منها حسب ماسمعت محمد ابو الشيخ عبدالله ريس مركز النمريه حاليا وعيد وعواد ومعيض وتروح السنين ويوم جا بعده
ويغزون حرب علي العليان وياخذون ابل شمري وتقعد ناقه من حرب مصوبه اوهي مذبوحه عليها وسم الاحامده قالو الشمامره مايحتاج نغزي ونرد البل لانه لنا عند الاحامده عاني وهو مفضي بن ولمان رجال لنا عليه معروف وحسب السلوم المتبعه عندهم يصير مفضي ملزوم بترجيع ابل الشمري ويركبون ويلفون علي مفضي قالو السالفه كذا وكذا وربعك اخذو لنا ابل وبمانك عاني لنا ابلنا معروفه منك قال وين راع البل الماخوذه قالوه الرجال قال خلاص خلو الرجال عندي وعطوني مهله وياخذراع البل ويروح به لللامير ويعلمه بالسالفه واليا السلوم عندهم واضحه وتقتضي بترجيع البل قال الامير ياحرب ردو بعارين الشمري ويردونها وتبقى ناقه متشاركين فيها اثنين مطلق ومشعان قالو الناقه ضاعت قال الامير تجيبون عدد قوايمه نياق يعني اربع قالو للشمري رضيت قال رضيت ويوم جا علي راس السنه ويطلع الخبر ان ناقة الشمري موجوده قال مفضي ترجعون الناقه قالو الناقه عطينا الشمري بدالها اربع من البل ورضي وتطول السالفه بينهم وبين مفضي ويزعل ويشد ويرجع للعليان ويصير جار لهم من جديد ويسوي قصيده طويله اورد اللي انا حافظ منها
ياحمود دنوا زملنـا نفـارق الـدوم=نبـي عربنـا يـم اطـاريـف رمــان
الله نشد ياحمود عن معرفـة يـوم=وحنا ثمان اسنين ياحمود جيران
ياحمود يطلع لك صديق من القوم=ويطلع من الربع الموالين عدوان
ان سلتني ياحمود تـر مابهـا لـوم=مااستانس الا وسط نـزل العليـان
ياحمودكنـي عندهـم باشـة الـروم=ترجح موازيني علـي كـل ميـزان
ماتروح ناقة جارنا وانت شغمـوم=مـوت بعـز ولاحكـي هـن وفــلان
ياحمـود للجيـره قوانيـن وسـلـوم=والله مانرضى علي السلم ينهـان
اما تجـي مادونهـا شـرط وسلـوم=والاسددها راس مطلـق ومشعـان
ومن عنده تصحيح أو ملاحظه يبديها
أرق التحايا
أبو جود
سالفة مفضي بن ولمان الاحمدي ارويها لكم بالعاميه بعد ان شب مفضي بن ولمان واشتد عوده وصار رجل يعتمد عليه
حصلت هوشه بين مفضي واحد ابناء عمومته وكان شاب في سن مفضي وتغلب عليه مفضي فطلعت ام الشاب اللي تغلب عليه مفضي وقالت جودك علي ولد عمك والا ابوك عند شمر ما اخذت بثاره المهم مفضي اول مره يسمع مثل هالكلام ويدري ان ابوه مات مقتول حيث ان امه كانت تقوله ابوك ذبح بغزوه ومعروف الغزوات والوقعات مافيه اخذ ثار ولكن اللي يذبح بغير غزيه او وقعه لابد له انه يوخذفيه الثار المهم رجع مفضي لامه وقال الا تعلميني منه ذباح ابوي اخذت امه تحاول تقنعه ان ابوه مات في غزوه المهم اخذ واعطى معها اخر شي قال ان ماعلمتيني بالصحيح ابذبح روحي قالت لا ابوك عند فلان من شمر .المهم تجهز الرجال ويمشي من الحناكيه ويلفي علي الشيخ والفارس المعروف المسمى بمعشي الذيب ابن سعيد شيخ العليان من شمر ويوم الفا عليه ويسمي روحه رويعي وبعد مانقضت ايام الضيافه ثلاث ايام قال للشيخ ابن سعيد انا اترزق الله وادور الشغل قال وش تعرف تشتغل قال اعرف اصلح القهوة وهو قصده يبي يصير قريب من السوالف علشان يعرف ذباح ابوه المهم اخذله وقت قهوجي عند ابن سعيد وكانت لابن سعيد ثلاث اذواد .ذود معها ولد اخوه . وذود معها رثعه بنت ابن سعيد .وذود معها صبي. يوم من الايام اوفا الصبي وراح قال ابن سعيد وش رايك يارويعي نبيك تصير مع البل اللي اوفا راعيها لين نلقا لها راعي قال ماعندي مانع المهم صار مع البل ويصيرون يروعون البل الثلاثه ولد اخو بن سعيد وبنته ورويعي اللي هو مفضي وياخذون وقت ويوم جايوم من الايام وتجيهم غزيه من قبيلة العطوات وياخذون البل ابل العليان ومن ضمنها اذواد ابن سعيد وكان مع ولد اخو ابن سعيد حصان ورمح قال رويعي انت علامك ماهشت دون البل قال انت خبل هذي غزيه كامله وانا رجال براسي ماني نطيح لهم ارسلنا الفزع ويبي يجون العليان يردونها قال رويعي انا ابيك تعطيني الحصان والرمح قال خذهذا الحصان والرمح ولاتضربهم الا مع روسهم يتهزا فيه وياخذ الحصان والرمح قال للبنت اركبي ويردفها معه علي الحصان قالها ابنزلك قدام البل وانطحي البل ورديها يوم ركب قعد يتعزوى خيال افلانه احمدي ويكرر عزوته المهم نزلها قدام البل ويطب وسطهم ويطلع مقابل ويوم طلع واليا ثنتين من خيلهم يسحبن اعنتهن ويكر عليهم مره ثانيه ويوم طلع واليا اربع يسحبن اعنتهن يعني ذبح من العطوات سته ويوم شافو العطوات فعله ويتشارون وينفقون انهم يتركونها ويطلعون ويخلون البل طبعا البنت درت وعرفت انه ما اسمه رويعي لانه سمعته يوم اعتزاء وعرفت انه فارس ورجل شجاع وانه له قصد يوم سما روحه رويعي وصار قهوجي المهم يوم رجعت البل وقبل مايجون الفزوع من العليان وهو يرجع الحصان والرمح لولد ابن سعيد قال للبنت والولد ابيكم تقولون ان اللي رد البل فلان ولد ابن سعيد ماهوانا يارويعي قالو ابشر ويوم جوهم الطلب ويقعدون يتباشرون برجوع البل قالو من اللي رد البل قالو الثلاثه كلهم ردها الفارس ولد ابن سعيد واليا ولد ابن سعيد صغير سن ولاطلع له فعل من قبل هالوقعه وتصير فرحت العليان فرحتين فرحه برجوع وفرحه بفارس جديدطلع له فعل المهم يوم جا اليل والعليان يقعدون يتوافدون علي بيت الامير يهنونه بسلامة البل ويباركون له بفعل ولد اخوه رويعي كالعاده راح شب النار وقعد يصلح القهوه للامير والضيوف قامت بنت ابن سعيد توايقت من وراء القاطع قالت يبه طلبتك قال ابشري لكن وشو طلبك قالت اللي يبي يعطي ماينشد طالبه قال جاك طلبك قالت ابا اصب القهوه عن رويعي ابوها درا ان السالفه فيها شي قال تعالي ماعندك الا عزوتك وعيال عمك وتجي وتاخذالدله من رويعي وتصب لاابوها طبعا رويعي جالس عند الدلال وتصب الفنجال الثاني لرويعي قالت يايبه اللي رد اليل ماهو راع الحصان اللي رد البل الرجال هذا ولااسمه رويعي تراه مغير اسمه سمعته يوم يعتزي ويقول خيال فلانه احمدي والاكيد انه رجال عزيز وفارس
يوم صبت له الفنجال قالت
تستاهل الفنجال ومواسد الراس=ان كـان ماتبخـل بروحـك عليـه
يامعرب الجدان ياطيـب السـاس=يامعـتـزي بالـعـزوه الاحـمـديـه
رد عليها مفضي بن ولمان
يـامـورد الخـديـن يـادقـاق اللالـعـاس=فكيـتـهـا مـــن شـــان حـقــك عـلـيـه
روحك علي راضه وروحي علي ياس=طــلاب ثـــار مـــن الـوجـيـه النـقـيـه
قال ابن سعيد تعال يا احمدي علمني وش قصتك قال قصتي ابوي ولمان مقتول غدر عند ابن فلان من شمر وابي قضاه قال انت فعلك غانم وتستاهل الطيب لكن هذي اربعين و ضحا المدى المعروف بين القبايل نعطيك اياه اديه لاابوك وفوقه قبلنا زواجك من رثعه وبعد اخذ وعطى بينه وبين بن سعيد قبل الديه وتزوج رثعه بنت ابن سعيد ويحط له بيت ويصير جارا لسعيد شيوخ العليان وياخذله وقت مع السعيد ويجيب من رثعه حمود ومزينه جدة الامير عبدالله بن ثواب الجليدي رئيس مركز النمريه
بيوم من الايام نقل له ابنه حمود كلمه حست بخاطره
قال
ياحمود عـن ديـرة خوالـك جلينـا=شف دلوهم من يمنا تصفق الجال
لاصــار ماقـربـك يحـشـم علـيـنـا=شــوري اتـقـرب الـزمـل نشـتـال
ويشد من عند العليان وينزل علي الفرده من حرب ومعهم الشيخ ثواب الجليدي
ويزوجه بنته مزينه ويجيب منها حسب ماسمعت محمد ابو الشيخ عبدالله ريس مركز النمريه حاليا وعيد وعواد ومعيض وتروح السنين ويوم جا بعده
ويغزون حرب علي العليان وياخذون ابل شمري وتقعد ناقه من حرب مصوبه اوهي مذبوحه عليها وسم الاحامده قالو الشمامره مايحتاج نغزي ونرد البل لانه لنا عند الاحامده عاني وهو مفضي بن ولمان رجال لنا عليه معروف وحسب السلوم المتبعه عندهم يصير مفضي ملزوم بترجيع ابل الشمري ويركبون ويلفون علي مفضي قالو السالفه كذا وكذا وربعك اخذو لنا ابل وبمانك عاني لنا ابلنا معروفه منك قال وين راع البل الماخوذه قالوه الرجال قال خلاص خلو الرجال عندي وعطوني مهله وياخذراع البل ويروح به لللامير ويعلمه بالسالفه واليا السلوم عندهم واضحه وتقتضي بترجيع البل قال الامير ياحرب ردو بعارين الشمري ويردونها وتبقى ناقه متشاركين فيها اثنين مطلق ومشعان قالو الناقه ضاعت قال الامير تجيبون عدد قوايمه نياق يعني اربع قالو للشمري رضيت قال رضيت ويوم جا علي راس السنه ويطلع الخبر ان ناقة الشمري موجوده قال مفضي ترجعون الناقه قالو الناقه عطينا الشمري بدالها اربع من البل ورضي وتطول السالفه بينهم وبين مفضي ويزعل ويشد ويرجع للعليان ويصير جار لهم من جديد ويسوي قصيده طويله اورد اللي انا حافظ منها
ياحمود دنوا زملنـا نفـارق الـدوم=نبـي عربنـا يـم اطـاريـف رمــان
الله نشد ياحمود عن معرفـة يـوم=وحنا ثمان اسنين ياحمود جيران
ياحمود يطلع لك صديق من القوم=ويطلع من الربع الموالين عدوان
ان سلتني ياحمود تـر مابهـا لـوم=مااستانس الا وسط نـزل العليـان
ياحمودكنـي عندهـم باشـة الـروم=ترجح موازيني علـي كـل ميـزان
ماتروح ناقة جارنا وانت شغمـوم=مـوت بعـز ولاحكـي هـن وفــلان
ياحمـود للجيـره قوانيـن وسـلـوم=والله مانرضى علي السلم ينهـان
اما تجـي مادونهـا شـرط وسلـوم=والاسددها راس مطلـق ومشعـان
ومن عنده تصحيح أو ملاحظه يبديها
أرق التحايا
أبو جود