شعار المحاوره

[البدر بن غالي]

ياسلام عليكم
دوب زان الليل
وين شعراء المحاوره

[محمد البرقاوي]

الليل يابو غالي



غالي والطلب رخيص ,,,



وبما أن المحاوره معك فلابد لها أن ترتقي للذائقة الجميله ,,,


وبما أن العميل بدر غالي الصوينع فلابد للمحاورة أن تكون بطعم مختلف ,,,






استلم يالذيب




سلام الله سلام اسلام والمسلم يسلم به= مادام المسلمين اخوان زان وطاب مسرانا


يابوغالي نبى طاروق نلعبه ونطربه= وعلى المرقاب مبداك وعلى المرقاب مبدانا

[طلق العتيبي]

الله الله

طاروووووووق رائع

الليل يابو غاااااااااااالي الليل

وانا في صف المقااام السامي

ولا تهووون يابدر

متااااااااااااااااااااااابع بقووووة

[محمد البرقاوي]

الله الله

طاروووووووق رائع

الليل يابو غاااااااااااالي الليل

وانا في صف المقااام السامي

ولا تهووون يابدر

متااااااااااااااااااااااابع بقووووة



بيض الله وجهك


وهذا شرف لي يابوعيد ,,,




شكرا لك ...

[البدر بن غالي]

الحقيقه أنا مانيب
شاعر
أنت من بيت شاعر
والله يعيني أتعلم مع
اللي مثلك وشرواك


هلا يامرحبا والله يعدلها عن الصبه = وانا مانيب مبلي مير جعل الله مايبلانا
والا ياصاحبي عان الحطب والنار مشتبه = عليها دلة الرسلان تقعد كل ضرمانا

[محمد البرقاوي]

العين ماتعلى على الحاجب يابو غالي




هلا يامرحبا والله يعدلها عن الصبه = وانا مانيب مبلي مير جعل الله مايبلانا
والا ياصاحبي عان الحطب والنار مشتبه = عليها دلة الرسلان تقعد كل ضرمانا


الله الله



استلم يالقرم



يدوم الك البقى والذيب لامنه سرى دربه=يدله حتى لو كان الدروب اشكال وألوانا

بنينا للطموح وللأماني فله وقبه=ولكن منهو اللي هدها يابدر وأدمانا

[البدر بن غالي]

الله الله عليك
واستلم


وإلاياصاحبي ما كل جرحٍ ينعرف طبه = ولو إن المناوي تنفع الحينه تمنانا
ترى ماكل من يسبح بحر سباح فالغبه = سبحنا فالبحور وجبت لولوه ومرجانا

[محمد البرقاوي]

الله عليك يابو غالي


وإلاياصاحبي ما كل جرحٍ ينعرف طبه=ولـو إن المنـاوي تنفـع الحينـه تمنانـا
ترى ماكل من يسبح بحر سباح فالغبه=سبحنا فالبحور وجبت لولوه ومرجانـا




استلم لاهنت


والا ياحضرة الدكتور شخٌص واكشف السبه=نبى نعطيك دعوى وانت قاضينا في دعوانا
من اللي باع ذمته وضميره ماخشى ربه=يزوٌر في البطايق مير ربك عنه ماأعمانا

[المستشار]

الله الله

ابوغالي

صح لسانك

المقام السامي

صح لسانك

جميعكم مبدع بيض الله وجيهكم

أنا مع صف أبوغالي ولايهون الغالي المقام السامي

وينك ياابوغالي

[البدر بن غالي]

الله الله عليك وصح لسانك
ومرحبابك ياقناص عتيبه


يقولون الرجال المدح في وجه الرجل سبه = وانا أقول البلاء ياصاحبي دانا من دوانا
تقوله والبحر ما ينقصه لو كل يشربه = ولا حنا بَِِسامي غيرنا ياهيه سمانا

[الـبـواردي]

الليل الليل

الله الله الله

أنا في صف أخوي المقام السامي ولايهون أخوي الغالي بدر بن غالي

أخوكم .. دخيل الله الصوينع

[محمد البرقاوي]

الليل


الليل


الليل






الليل يابو غالي




نقوله من غلا والشك زايل والوهم كبه=نعرفك تفلج الاريا ليا من كثرت اريانا

من اللي يوم قدمنا عشاه استتطعم وكبه=عليهم الله اكبر شلة ٍ ماهيب في لحانا

[محمد البرقاوي]

مرحبا تراحيب المطر

مرحبا بك اخوي دخيل الله



تواجدك شرف لاعدمناك



تقبل تقديري

[البدر بن غالي]

الله لايهينك يالمقام السامي


وإلى هنا نصل الى ختام المحاوره


ومشكور على الطاروق الجميل

[محمد البرقاوي]

ولا انت يابوغالي


يعلم الله اني تشرفت بلعب طاروق معك ,,,


وصح لساااانك ولاهنت مبدع ومن بيت ابداع ,,,



تقبل تقديري ...