العله اللـي بالحشاعيـت تطيـب

[سعيد القير]

العله اللـي بالحشاعيـت تطيـب=والبـال ضايـق ماتهنـا منامـه
تسببت لي في طلـوع المراقيـب=وهمي كما ليل(ن) يتـوه ظلامـه
جريت بالمـوال ولاحـي الذيـب=كنه يقـول الذيـب هـذا علامـه
رديـت لـه والله ياذيـب مانيـب=آقف مواقيـف الـردا والرخامـه
الآدمـي عايـش حياةالتجاريـب=يومن على جرفن ويومن عدامـه
العرق دساسن على الزين والعيب=ولافيه شخصن في جبينه علامـه
غرتني دقونن على الوجه تركيـب=وأهل التصنـع ماعليهـا ملامـه
أهل الحيل والكذب واهل الاساليب=يبطون ماجابوا على الراس هامـه
رجل الوفا يلقى حـلال المكاسيـب=ولا الردي يلقـا الرذيلـه طعامـه
رجلن يقرب نفسه الشك والريـب=حرام يلبس لـه ثيـاب وعمامـه
حبل المراجل كايـدن بالمطاليـب=ماكـل رجالـن وفـا بالتـزامـه
رجلن ضوى كن المراجل معازيب=يفرض على كل الرجال احترامـه
من لا كسب من صافيات المشاريب=راحـت حياتـه كلبوهـا نـدامـه

[««© البـاتــكـ ©»»]

من لا كسب من صافيات المشاريب=راحـت حياتـه كلبوهـا ندامـه

سعيد القير

.
.

صح لسانكـ
يالغالي
قصيده وافيه
وجزله
تحمل معاني شامخه
أبدعت فيها
ولاهنت..

تقديري

[الضاوي]

غرتني دقونن على الوجه تركيـب
............................................وأهل التصنـع ماعليهـا ملامـه


صح السانك وعزالله انك صدقت في القصيده الجزله

والله لايهينك ياغالي

[سعيد القير]

الله
لايهينكم وشكرا ع الردود