البدر بن غالي
04-07-08, 09:20 PM 21:20
بسم الله الرحمن الرحيم
قصيده للشاعر / غالي بن شباب الصوينع بعنوان (عطر المجالس) وهي
تتحدث عن نفسها
مانيب مصخيك ياشعـر القديمينـا = ويحرم على الشعر لخلفت ميزانـك
ياحافـظ تراثـا وعلـوم ماضينـا = ضحيت والواجب نضحي على شانك
والعيب لو نتركك يالشعـر كاسينـا = نوفيك حقك ونردع كـل عدوانـك
بالعـز شيباننـا دايـم توصيـنـا = وصوا على ثقلك ومعناك والحانـك
ويوم الجهـل يامعلمنـا وقاضينـا = والجاهل اللي جحد مدتك واحسانـك
يالفارس اللي تعادي من يعادينا = وسيفك يقص وطريق الحق ميدانك
وانت الخوي الصدوق اللي تخاوينـا = ولا برت حتى نبور ونهدم اركانـك
وانته بيوم الفرح والحزن مرضينـا = وياقل عدوانـك وياكثـر خلانـك
دليتنا مـع سلـوم الطيـب والدينـا = حتى لدرب الهوا سخـرت قيفانـك
وفالوصف الك مدةٍ بالحيل تغنينـا = وريح النفل والخزاما طلع بستانـك
وحمض النشاما وتشبعنا وتروينـا = وعطر المجالس وهذا راس عنوانك
ونحس بالنقص يـوم انـك تخلينـا = ياورث جداننـا يانـادر اخوانـك
منبعك من هالجزيزه منت غاوينـا = لو غيرو مظهرك ياطيب سيسانـك
واللي يبونك تغير عنـك عجزينـا = وعذروبهم شايب تصلـح لشيبانـك
موروثنا من قديم اعصور واسنينـا = مافيه رجال من خلقتك قـد هانـك
انت البحر والبواخر تزبـن المينـا = من قوة امواجك ومن كبر حيتانـك
شعر الحداثه تـرا معـرق باذانينـا = واهل الكرم والشجاعه دايم اعوانـك
واهل البصيره تميـز فيهـم وفينـا = حنا وفييـنٍ معـك وهـم خوانـك
ولو يندثر شعرنا عقب الضعيفينـا = نحلق لحانـا ولا ناقـف ببيبانـك
وختامهـا عـد تسبيـح المصلينـا = يامستمع خـل ذكـر الله بوجدانـك
قصيده للشاعر / غالي بن شباب الصوينع بعنوان (عطر المجالس) وهي
تتحدث عن نفسها
مانيب مصخيك ياشعـر القديمينـا = ويحرم على الشعر لخلفت ميزانـك
ياحافـظ تراثـا وعلـوم ماضينـا = ضحيت والواجب نضحي على شانك
والعيب لو نتركك يالشعـر كاسينـا = نوفيك حقك ونردع كـل عدوانـك
بالعـز شيباننـا دايـم توصيـنـا = وصوا على ثقلك ومعناك والحانـك
ويوم الجهـل يامعلمنـا وقاضينـا = والجاهل اللي جحد مدتك واحسانـك
يالفارس اللي تعادي من يعادينا = وسيفك يقص وطريق الحق ميدانك
وانت الخوي الصدوق اللي تخاوينـا = ولا برت حتى نبور ونهدم اركانـك
وانته بيوم الفرح والحزن مرضينـا = وياقل عدوانـك وياكثـر خلانـك
دليتنا مـع سلـوم الطيـب والدينـا = حتى لدرب الهوا سخـرت قيفانـك
وفالوصف الك مدةٍ بالحيل تغنينـا = وريح النفل والخزاما طلع بستانـك
وحمض النشاما وتشبعنا وتروينـا = وعطر المجالس وهذا راس عنوانك
ونحس بالنقص يـوم انـك تخلينـا = ياورث جداننـا يانـادر اخوانـك
منبعك من هالجزيزه منت غاوينـا = لو غيرو مظهرك ياطيب سيسانـك
واللي يبونك تغير عنـك عجزينـا = وعذروبهم شايب تصلـح لشيبانـك
موروثنا من قديم اعصور واسنينـا = مافيه رجال من خلقتك قـد هانـك
انت البحر والبواخر تزبـن المينـا = من قوة امواجك ومن كبر حيتانـك
شعر الحداثه تـرا معـرق باذانينـا = واهل الكرم والشجاعه دايم اعوانـك
واهل البصيره تميـز فيهـم وفينـا = حنا وفييـنٍ معـك وهـم خوانـك
ولو يندثر شعرنا عقب الضعيفينـا = نحلق لحانـا ولا ناقـف ببيبانـك
وختامهـا عـد تسبيـح المصلينـا = يامستمع خـل ذكـر الله بوجدانـك