البدر بن غالي
04-07-08, 12:04 AM 00:04
قصيده للشاعر / غالي بن شباب الصوينع
وهي تعبر عن نفسها
يالله تجيب الخيـر ياوالـي الخيـر= خيرٍ يسـر الـدار ويسـر اهلهـا
عقب العجاج وحاميـات المعاصيـر = تلبـس بـلاد العـز باحلـى حللها
حتـى تزيّـن للوجيـه المسافـيـر = وتصبح عروسٍ عقب طول محلهـا
وتاخذ ثمان سنين وهيـه مزاهيـر= وديانهـا وجبالهـا مـع سهلـهـا
من الحجاز اليـا حـدود المناصيـر = ومن اليمـن للشـام شـيٍ ذهلهـا
وتبهّج انضـار العـرب بالنواويـر = بالديره اللي عطـف ربـي شملهـا
وتهشّم مزون المطر صبح وعصير = والارض يشبـع بضحويـه جملهـا
وتكحّل عيونـي بشـوف المغاتيـر = والامجاهـيـمٍ تــرزم فحـلـهـا
هذيـك خلفـاتٍ وهـذي معاشيـر = وذيـك لقـواتٍ مايـدور بدلـهـا
هـذي مواريـدٍ وهـذي مصاديـر = عقب الوقوت القشـر ربـي كفلهـا
واهل الدبش ماعاد تشري له شعير = يبحل به التاجـر بعـد مـا دبلهـا
لو يرخص الشراي فيهـا الدنانيـر = يحرم عليه يسـوق حتـى جهلهـا
ويلقى مع البدوان حشمـه وتقديـر = رجـلٍ يخـاو البـدو والادهلـهـا
فلّت حجاج مـع الرجـال المناعيـر = اللـي ثقيـلات الحمـول اتحملهـا
سمن وسمين وعلم مافيـه تزويـر = وسوالـفٍ عنـد النشامـا دولهـا
ونارٍ عليهـا بهـر الكيـف تبهيـر = وسيقت فناجيله علـى مـن نزلهـا
وصورت شيٍ شفت من غير تصوير = وارجي عسى الله لا يخيـب املهـا
ويالله يارازق وحـوش وعصافيـر = يامحاسـبٍ كـل النفـوس بعملهـا
تجعل لهم من عسر الايـام تيسيـر = وتنقض حبـالٍ كـل حاقـد فتلهـا
وارحـم بـلادك ياعظيـم التدابيـر = واهـد العبـاد اللـي كثـيـرٍ زللها
ولاجا من الجهال عيـبٍ وتقصيـر = فالديـن عدوانـه كبـارٍ حيلـهـا
تبغى تدمر ديـن الاسـلام تدميـر = وتبغى شباب العـرب تكثـر عللها
ومن غزوها الفكري غدينا شعاتيـر = وامــا تصديـنـا تبـيـن خللها
يا أمـه الاسـلام مـا فيـه تفكيـر = ما ينفع النفـس الضعيفـه كسلهـا
تحت العلـم لابـد نمشـي طوابيـر = ونسوق الانفس لو تمشـي لاجلهـا
اجدادنـا دون العقـيـده مغـاويـر = ولا منهم اللـي فالمواقـف خذلهـا
بحد السيوف المرهفات المشاطيـر = وفوق المهار اللي سريـعٍ جولهـا
مـرٍ مسانـيـدٍ ومــرٍ محـاديـر = زهـاد فالدنيـا وللـمـوت ولـهـا
حتى تحرر من هل الشرك تحريـر = ديـنٍ موازيـن العدالـه عدلـهـا
وصلاة ربي عد مـا غـرد الطيـر = علـى نـبـيٍ سنـتـه نمتثلـهـا
وهي تعبر عن نفسها
يالله تجيب الخيـر ياوالـي الخيـر= خيرٍ يسـر الـدار ويسـر اهلهـا
عقب العجاج وحاميـات المعاصيـر = تلبـس بـلاد العـز باحلـى حللها
حتـى تزيّـن للوجيـه المسافـيـر = وتصبح عروسٍ عقب طول محلهـا
وتاخذ ثمان سنين وهيـه مزاهيـر= وديانهـا وجبالهـا مـع سهلـهـا
من الحجاز اليـا حـدود المناصيـر = ومن اليمـن للشـام شـيٍ ذهلهـا
وتبهّج انضـار العـرب بالنواويـر = بالديره اللي عطـف ربـي شملهـا
وتهشّم مزون المطر صبح وعصير = والارض يشبـع بضحويـه جملهـا
وتكحّل عيونـي بشـوف المغاتيـر = والامجاهـيـمٍ تــرزم فحـلـهـا
هذيـك خلفـاتٍ وهـذي معاشيـر = وذيـك لقـواتٍ مايـدور بدلـهـا
هـذي مواريـدٍ وهـذي مصاديـر = عقب الوقوت القشـر ربـي كفلهـا
واهل الدبش ماعاد تشري له شعير = يبحل به التاجـر بعـد مـا دبلهـا
لو يرخص الشراي فيهـا الدنانيـر = يحرم عليه يسـوق حتـى جهلهـا
ويلقى مع البدوان حشمـه وتقديـر = رجـلٍ يخـاو البـدو والادهلـهـا
فلّت حجاج مـع الرجـال المناعيـر = اللـي ثقيـلات الحمـول اتحملهـا
سمن وسمين وعلم مافيـه تزويـر = وسوالـفٍ عنـد النشامـا دولهـا
ونارٍ عليهـا بهـر الكيـف تبهيـر = وسيقت فناجيله علـى مـن نزلهـا
وصورت شيٍ شفت من غير تصوير = وارجي عسى الله لا يخيـب املهـا
ويالله يارازق وحـوش وعصافيـر = يامحاسـبٍ كـل النفـوس بعملهـا
تجعل لهم من عسر الايـام تيسيـر = وتنقض حبـالٍ كـل حاقـد فتلهـا
وارحـم بـلادك ياعظيـم التدابيـر = واهـد العبـاد اللـي كثـيـرٍ زللها
ولاجا من الجهال عيـبٍ وتقصيـر = فالديـن عدوانـه كبـارٍ حيلـهـا
تبغى تدمر ديـن الاسـلام تدميـر = وتبغى شباب العـرب تكثـر عللها
ومن غزوها الفكري غدينا شعاتيـر = وامــا تصديـنـا تبـيـن خللها
يا أمـه الاسـلام مـا فيـه تفكيـر = ما ينفع النفـس الضعيفـه كسلهـا
تحت العلـم لابـد نمشـي طوابيـر = ونسوق الانفس لو تمشـي لاجلهـا
اجدادنـا دون العقـيـده مغـاويـر = ولا منهم اللـي فالمواقـف خذلهـا
بحد السيوف المرهفات المشاطيـر = وفوق المهار اللي سريـعٍ جولهـا
مـرٍ مسانـيـدٍ ومــرٍ محـاديـر = زهـاد فالدنيـا وللـمـوت ولـهـا
حتى تحرر من هل الشرك تحريـر = ديـنٍ موازيـن العدالـه عدلـهـا
وصلاة ربي عد مـا غـرد الطيـر = علـى نـبـيٍ سنـتـه نمتثلـهـا